Quantum Meruit va Spearin doktrinalarining O‘zbekiston milliy huquq tizimidagi talqini: normativ va doktrinal asoslar

Ushbu ilmiy maqolada zamonaviy qurilish-huquqiy munosabatlarida muhim o‘rin tutuvchi ikkita xalqaro doktrina — Quantum Meruit va Spearin doktrinalarining mazmuni, qo‘llanish doirasi hamda ularni O‘zbekiston fuqarolik huquqi bilan uyg‘unlashtirish imkoniyatlari keng qamrovli yuridik tahlil asosida bayon etiladi. Quantum Meruit doktrinasi asossiz boylik institutining milliy-huquqiy ekvivalenti sifatida Fuqarolik kodeksining 1023–1030-moddalari bilan bog‘liq holda o‘rganiladi. Spearin doktrinasining mohiyati esa buyurtmachi taqdim etgan loyiha hujjatlaridagi xatolar uchun javobgarlikni taqsimlash tamoyili sifatida, pudrat shartnomalarini tartibga soluvchi O‘zbekiston Fuqarolik kodeksining 633-moddasi (materiallarning tasodifiy nobud bo‘lish xavfi), 686-692 moddalar, loyiha hujjatlarining sifatiga oid normalar bilan milliylashtiriladi.

Maqolada ushbu doktrinalarning milliy qurilish huquqi amaliyotida qo‘llanilishi uchun zarur bo‘lgan normativ takliflar ishlab chiqiladi hamda adolatli risk taqsimoti tizimining zarurligi asoslanadi.